შეგახსენებთ რომ ფილმის ქრისტეს ვნებანი მწარმოებელ ფირმასთან მოლაპარაკების თანახმად მას უნდა დაერთოს სუბტიტრები.მთელ მსოფლიოში ეს ფილმი მხოლოდ ამ სახითაა გავრცელებული.მისი გახმოვანება დაუშვებელია.ამ პირობის შეუსრულებლობა საავტორო უფლებების დარღვევად ჩაითვლება.ფილმი არცერთ საიტზე არ დევს ქართული სუბტიტრებით.

ინფორამაცია ფილმზე:
დასახელება: ქრისტეს ვნებანი
ორგინალური დასახელება: The Passion Of The Christ
ენა: ლათინური და არამეული
თარგამანი: ქართული (სუბტიტრები)
გამოშვების წელი: 2004
ჟანრი: დრამა
რეჟისორი: Mel Gibson
როლებში: ჯეიმს კავიეზელი, მონიკა ბელუჩი და სხვები.

ფილმის შესახებ:
ფილმში უკიდურესი სისასტიკითაა აღწერილი მაცხოვრის მიერ ჯვარცმამდე გატარებული ბოლო თორმეტი საათი. ეს არის ქრისტეს ცხოვრების ასახვის კიდევ ერთი მცდელობა, ამჯერად მელ გიბსონისეული ვარიანტი. ფილმი თავისი წინამორბედებისგან სიუჟეტის სიმძაფრით და ორიგინალურობით გამოირჩევა.

მწარმოებელი: Icon productions
ფაილი
ფორმატი: Mpg
ზომა: 1,11 GB
ხარისხი: TVRip (საკმაოდ კარგი ხარისხია)

მართლმადიდებელი ეკლესია 12 მაისს წმინდა მოციქული ანდრია პირველწოდებულის საქართველოში შემოსვლის დღეს აღნიშნავს.

წმ. ანდრიას, პეტრე მოციქულის ძმას, უფალმა იესო ქრისტემ პირველს მოუწოდა, ამიტომ მას ეწოდა პირველწოდებული. წმიდა ანდრიამ სიყრმიდანვე შეიყვარა უფალი და როცა ისრაელში ქუხილივით გაისმა წმიდა იოანე ნათლისმცემლის ხმა, ნეტარი მოციქული მისი უახლოესი მოწაფე გახდა. მაცხოვრის გამოჩენისას, წმიდა იოანემ ანდრიას და იოანე ღვთისმეტყველს მიმართა: "აჰა, ტარიგი ღმრთისაჲ”. ამ სიტყვებზე ორივენი თან გაჰყვნენ იესოს. შემდეგ კი ანდრია ძმასთან, პეტრესთან მივიდა, მესიის პოვნა ახარა, ისიც იესოსთან მიიყვანა და მას დაუმოწაფა.

ქრისტეს დამოწაფებული ძმები კვლავ ჩვეულ საქმიანობას განაგრძობდნენ და თევზაობით ირჩენდნენ თავს. ერთხელ გალილეის ზღვის ნაპირას მიმავალმა მაცხოვარმა მოუწოდა მას: "მოვედით და შემომიდეგით მე და გყვნე თქვენ მესათხევლე კაცთა”. რის შემდეგაც ისინი განუყრელად თან ახლდნენ ძე ღვთისას და მისი სასწაულების, სიკვდილისა და მკვდრეთით აღდგომის მოწმეებიც გახდნენ.

მაცხოვრის ამაღლების შემდეგ, "რაჟამს წილ იგდეს მოციქულთა” საქადაგებლად, ღვთისმშობელს ივერიის მოქცევა ხვდა წილად, მაგრამ, რადგან მისი მიცვალების ჟამი მოახლოებული იყო, ძე ღვთისამ უბრძანა, იერუსალიმში დარჩენილიყო, საქართველოში კი ანდრია პირველწოდებული გაეგზავნა თავისი ხელთუქმნელი ხატით.

6 მაისს საქართველოს სამოციქულო მართლმადიდებლური ეკლესია დიდმოწამე გიორგის ხსენების დღეს ზეიმობს. ეს დღესასწაული განსაკუთრებული მასშტაბურობით იმერეთში, კერძოდ კი თერჯოლის რაიონის სოფელ გოგნში აღინიშნება, სადაც წმიდა გიორგის უძველესი სალოცავი არსებობს.

წმიდა გიორგის ცხოვრება

წმიდა გიორგი კაბადოკიაში მესამე საუკუნის მეორე ნახევარში დაიბადა. საღმრთო წიგნები და ჭეშმარიტი სარწმუნოება დედამ შეასწავლა. მეფე დიოკლეტიანეს მოღვაწეობის პერიოდში ქვეყანაში კერპთაყვანისმცემლობა აღორძინდა და მეფის ბრძანებით ქრისტიანთა დევნა და სიკვდილით დასჯა დაიწყო. სწორედ ამ დროს წარსდგა დიოკლეტიანეს წინაშე წმიდა გიორგი და ქრისტიანობა იქადაგა. განრისხებულმა მეფემ მისი დასჯა გადაწყვიტა. მან ჯერ წმიდანის ლახვრით განგმირვა მოინდომა, მაგრამ ქრისტეს მხედრის ხორცთან შეხებისას ლახვარი სანთელივით მოიდრიკა. ამის შემდეგ დიოკლეტიანემ ის ურმის თვალზე დააკვრევინა და მახვილებდაგებულ დაღმართზე გაატარა, თუმცა წმიდანი მეყსეულად განიკურნა. მეფის ბრძანებით ქრისტეს მხედარი ახლად დამბალ კირშიც ჩააგდეს, სადაც სამი დღე დაჰყო. წმიდანს ვერც ლურსმნებგაყრილი ფეხსაცმლითა და შოლტით ვერაფერი დააკლეს და ყველა განსაცდელს უვნებელი გადაურჩა. ამ სასწაულმა მრავალი ადამიანი მოაქცია ქრისტეს რჯულზე. ბოლოს წმიდანს მიცვალებულის გაცოცხლება მოსთხოვეს, რაც მან მართლაც შესძლო ლოცვით. განრისხებულმა დიოკლეტიანემ წმიდანის სიკვდილით დასჯა ბრძანა. ბრძანების აღსრულებამდე მან ლოცვისათვის დრო ითხოვა და უფალს შეევედრა: "იხსენი ყოველგვარი განსაცდელისაგან, უფალო ღმერთო, ვინც მოიხსენოს ჩემი წამების ღვაწლი, მიეცი მადლი, მიუტევე მათ ყოველგვარი შეცოდებანი და განკურნენ მათი სნეულებანი, რადგან მხოლოდ შენ იცი მათი მაცდური მტრის სივერაგე, რომელიც ფეხქვეშ შემუსრე და რომლებიც წაიკითხავენ, ან მოისმენენ ჩემს წამებას, განწმიდე ბიწიერებისაგან”. ამის შემდეგ ჯალათმა აღასრულა ბრძანება. ასე დასრულდა წმიდანის წამება 303 წელს.

გათავისუფლებულ პატიმრებს, რომლებმაც დანაშაული ჩაიდინეს, სხეულში ჩიპებს ჩააკერებენ, რათა გააკონტროლონ მათი ადგილმდებარეობა. 2003 წლის 4 ნოემბერიდან ბელორუსიაში ძალაშია კანონი №236-З "სახელმწიფო დაქტილოსკოპიური რეგისტრაციის” შესახებ. კანონის ტექსტის შესაბამისად, სავალდებულო დაქტილოსკოპიურ რეგისტრაციას ექვემდებარება სავალდებულო-სამხედრო მსახურების გასაწვევ ასაკს მიღწეული ქვეყნის ყველა მამაკაცი, ასევე ქალები, რომელთაც უშუალო კავშირი გააჩნიათ სახელმწიფო ძალოვან სტრუქტურებთან. .

მამა პაისი მთაწმინდელი

იცით, რომ მშობლების წყევლა და გულისწყრომაც კი ძალიან ძლიერად მოქმედებს. მაშინაც კი, როცა მშობლები კი არ წყევლიან, მხოლოდ აღშფოთდებიან და წყრებიან შვილებზე, შემდეგ ამ უკანასკნელთ ერთი ნათელი დღე აღარ აქვთ ხოლმე: მთელი მათი ცხოვრება ერთ უწყვეტ ტანჯვად გადაიქცევა. შემდეგ ასეთი ბავშვები მთელი მიწიერი ცხოვრების განმავლობაში იტანჯებიან. რა თქმა უნდა, იმ ქვეყნად მათ უადვილდებათ, რადგან ამქვეყნიური ტანჯვით ბევრ ცოდვას გამოისყიდიან. ხდება ის, რასაც წმ. ისაკი ამბობს: "იგემებს თავის ჯოჯოხეთს” ანუ აქ, ამქვეყნად ტანჯვით ადამიანი ამცირებს თავის ჯოჯოხეთურ ტანჯვას, რადგანაც ამქვეყნიური ტანჯვა ჯოჯოხეთური სატანჯველის განცდას ნიშნავს. ანუ მაშინ, როდესაც სულიერი კანონების სფეროში შედის, ადამიანი რამდენადმე თავისუფლდება გენიის, ტანჯვისაგან.

მაგრამ ის მშობლები, რომლებიც შვილებს სიტყვით ისტუმრებენ "ეშმაკთან”, მათ ბოროტს სწირავენ. ამის შემდეგ ეშმაკი უფლებას იძენს მათზე. იგი ამბობს: "შენ ჩემთან გამოგზავნე ისინი”. ფარასაში (ერთ-ერთი მთავარი ბერძნული დასახლება კაბადოკიის კესარიაში. არსენი კაბადოკიელის და მამა პაისის სამშობლო) ცხოვრობდა ცოლ-ქმარი, ბავშვი მეტად მტირალა ჰყავდათ და მამა ხშირად ეუბნებოდა მას: "ეშმაკმა წაგიღოს!” და რა ხდება?! მამა ამას ამბობს და ბავშვი აკვნიდან გაუჩინარდა! საცოდავმა დედამ ხაჯეფენდის (ასე უწოდებდნენ ღირს არსენი კაბადოკიელს ფარასის მცხოვრებნი) მიმართა: "გვაკურთხე, ხაჯეფენდი! ჩემი შვილი ეშმაკებმა მოიტაცეს”. ხაჯეფენდი მივიდა მათ სახლში, აკვანთან ილოცა და ყრმა დაბრუნდა. ასე გრძელდებოდა და გრძელდებოდა დაუსრულებლად. "ხაჯეფენდი, გვაკურთხე”. – კვლავ და კვლავ იმეორებდა საწყალი ქალი. ერთხელ მან ჰკითხა: "რით დასრულდება ეს ყველაფერი?” – "მე თქვენთან სიარული არ მიჭირს – უპასუხა წმიდანმა, შენ გიჭირს მოსვლა და ჩემი დაძახება? ესე იგი ეს ოდესმე მობეზრდება ეშმაკს და შენს შვილს დაეხსნება”. ამ დღიდან ბავშვი აღარ გაუჩინარებულა, მაგრამ როდესაც გაიზარდა, მას "ეშმაკის ნაშიერი” უწოდეს.

"ნუ მომკლავ, დედა" _ მოძღვრის ლექსები მუცლადმოწყვეტილ ჩვილებსა და უცხოეთში გადახვეწილ ქართველებზე